Abşeron çimərliklərində gözlənilən hava şəraiti açıqlanıb

Avqustun 10-da Abşeron yarımadasının çimərliklərində gözlənilən hava şəraiti bəlli olub.

Milli Hidrometeorologiya Xidmətinin verdiyi məlumata görə, sabah mülayim şimal-qərb küləyi əsəcək və arabir güclənəcək.

Çimərliklərdə dəniz suyunun temperaturu aşağıdakı kimi proqnozlaşdırılır:

 Şimal çimərliklərində: (Sumqayıt, Novxanı, Pirşağı, Nardaran, Bilgəh, Zuğulba) 26-27 dərəcə isti;

 Cənub çimərliklərində: (Türkan, Hövsan, Sahil, Şıx) 27-28 dərəcə isti.

Çimərliyə gedənlərin nəzərinə

Arabir güclənən şimal-qərb küləyi ilə əlaqədar dənizdə dalğalanma ehtimalı olduğundan çimərlikdə istirahət edən şəxslərə təhlükəsizlik qaydalarına diqqətlə riayət etmələri tövsiyə olunur.