Aİ ilə Azərbaycan arasında mühüm saziş üzrə danışıqlar davam edir

Avropa İttifaqı (Aİ) və Azərbaycan arasında yeni hərtərəfli tərəfdaşlıq sazişi üzrə danışıqlar prosesi aktiv şəkildə davam etdirilir.

hadiseler.info xəbər verir ki, bu barədə Avropa İttifaqının Azərbaycandakı səfiri Mariyana Kuyundziç Bakıda təşkil olunan Aİ-Azərbaycan Biznes Forumunda çıxışı zamanı bəyan edib.

Səfir ikitərəfli danışıqların artıq iki mərhələsinin Brüssel və Bakı şəhərlərində uğurla baş tutduğunu diqqətə çatdırıb:

“Görüşlər son dərəcə konstruktiv şəraitdə keçib. Avropa İttifaqı Azərbaycanın ən böyük ticarət tərəfdaşlarından biridir və bu kontekstdə qarşılıqlı faydalı əməkdaşlığımız dinamik şəkildə davam edir.”