Albaniya parlamentində Fişənglər yandırıldı, iclas pozuldu- VİDEO

Albaniyada müxalifət deputatları parlamentin iclasını pozublar. Əllərində fişənglər və tüstü qumbaraları ilə tribunaya çıxan xalq seçkiləri zəruri qanun layihəsinin müzakirəsini gərginləşdiriblər.

hadiseler.info Oxu.Az-a istinadən xəbər verir ki, hadisə “Shqiptarja” nəşrinin məlumatına əsasən baş verib. Müxalifət nümayəndələri Baş nazir Edi Rama zala daxil olarkən fişənglər və mavi tüstü qumbaraları yandırıblar, həmçinin küçə etirazları zamanı xəsarət alan aksiya iştirakçılarının fotolarını nümayiş etdiriblər.

Məlumata görə, bundan bir qədər əvvəl Demokrat Partiyasının lideri Sali Berişa hakimiyyəti nümayişçilərlə qəddar davranmaqda ittiham etdiyi üçün ona həmin günün sonunadək parlamentdə çıxış etmək hüququ verilməyib.

Qeyd edək ki, Albaniyada oktyabrın 13-dən etibarən təhsil haqlarının yüksək olması, universitetlərdəki şərait və iş imkanları ilə bağlı tələbə etirazları başlayıb. Sonradan nümayişçilər hökuməti korrupsiyada ittiham edərək Baş nazir Edi Ramanın istefasını tələb etməyə başlayıblar və aksiyalara müəllimlər də qoşulublar. Səhiyyə Nazirliyinin məlumatına görə, oktyabrın 13-dən 18-dək davam edən etirazlar zamanı 303 nəfər xəsarət alıb, nümayişçilər dövlət binalarına hücum edərək polislə toqquşublar.