Almaniyada nazir hoteldə ölü tapıldı

Almaniyanın siyasi həyatında ağır itki baş verib.

hadiseler.info xəbər verir ki, Almaniyanın Bavariya əyalətinin Baş nazirinin müavini və iqtisadiyyat naziri Hubert Ayvanger Berlində qaldığı hoteldə ölü tapılıb.

Alman mediasının təhlükəsizlik mənbələrinə istinadən yaydığı məlumata görə, “Freie Wähler” (“Azad Seçicilər”) partiyasının lideri, 55 yaşlı Ayvangerin meyiti paytaxtdakı “Neuer Fritz” hotelində aşkar edilib. Siyasətçinin ölüm səbəbi ilə bağlı hələlik rəsmi açıqlama verilməyib. Bildirilib ki, o, partiyasının Berlin şöbəsinin açılışında iştirak etməli idi, lakin özünü pis hiss etdiyi üçün tədbirə qatılmayıb və hoteldə qalıb.

Qeyd edək ki, 2006-cı ildə “Freie Wähler” partiyasının Bavariya ştat lideri seçilən Ayvanger 2010-cu ildən partiyanın federal rəhbərliyini icra edirdi. Mühafizəkar siyasi mövqeyi ilə tanınan siyasətçi 2018-ci ildən Bavariyanın iqtisadiyyat, dövlət inkişafı və energetika naziri, həmçinin Baş nazirin müavini vəzifələrini daşıyırdı.