Araik və Vardanyana konsulluq dəstəyi üçün vasitəçi ölkə axtarılır

hadiseler.info xəbər verir ki, Ermənistan Xarici İşlər Nazirliyi Azərbaycanda həbsdə saxlanılan ermənilərə konsulluq səfərinin təşkil olunması məqsədilə üçüncü bir dövlətə vasitəçilik müraciəti ünvanlayıb.

Ermənistan XİN müraciət olunan ölkənin adını açıqlamasa da, hökumətin sülhün bərqərar olması, etimad quruculuğu tədbirləri və humanitar məsələlərin həllinə böyük önəm verdiyini bəyan edib.

Qeyd edək ki, Bakıda həbsdə olan Ruben Vardanyanın həyat yoldaşı Veronika Zonabend də bir müddət əvvəl Ermənistan rəhbərliyinə məktub yazaraq beynəlxalq humanitar missiyanın tərkibində Bakıya gəlmək istədiyini bildirmişdi.