Azərbaycan BMT-də Cənubi Asiyada regional sülh mesajı verib

Azərbaycanın xarici işlər naziri Ceyhun Bayramov BMT Baş Assambleyasının 81-ci sessiyası çərçivəsində İslam Əməkdaşlıq Təşkilatının (İƏT) Cammu və Kəşmir üzrə Təmas Qrupunun iclasında iştirak və çıxış edib.

hadiseler.info xəbər verir ki, çıxışı zamanı nazir Azərbaycanın Cammu və Kəşmir məsələsinin beynəlxalq hüququn norma və prinsipləri, BMT Nizamnaməsi və BMT Təhlükəsizlik Şurasının müvafiq qətnamələrinə uyğun olaraq sülh yolu ilə həllinə sadiqliyini bildirib.

Ceyhun Bayramov İƏT-in və müvafiq Təmas Qrupunun bu məsələdəki fəal mövqeyinin Azərbaycan tərəfindən yüksək qiymətləndirildiyini qeyd edib. Nazir vurğulayıb ki, Cammu və Kəşmir probleminin ədalətli və sülh yolu ilə həlli Cənubi Asiyada uzunmüddətli sülh, sabitlik və təhlükəsizliyin möhkəmləndirilməsinə xidmət edəcək. O, həmçinin regionda atəşkəs rejiminin qorunmasının Hindistan və Pakistan arasında münasibətlərin normallaşması üçün zəmin yaradacağına ümid etdiyini bildirib.