Azərbaycan XİN-dən İndoneziyaya başsağlığı

Azərbaycan Xarici İşlər Nazirliyi (XİN) İndoneziyada baş verən dəhşətli zəlzələ ilə bağlı bu ölkəyə başsağlığı mesajı ünvanlayıb.

hadiseler.info bildirir ki, bu barədə Azərbaycan XİN-in “X” sosial şəbəkə hesabında paylaşım edilib.

Paylaşımda deyilir: “İndoneziyada baş verən insan tələfatı, eləcə də xəsarətlərlə nəticələnən dağıdıcı zəlzələ xəbəri bizi dərindən kədərləndirib. Həlak olanların ailə üzvlərinə və yaxınlarına dərin hüznlə başsağlığı verir, yaralananlara tezliklə şəfa diləyirik. Bu çətin zamanda İndoneziya xalqının yanındayıq”.