Azərbaycan jurnalistlərinin IX qurultayı keçiriləcək

Oktyabrın 16-da saat 09:00-da Rəşid Behbudov adına Mahnı Teatrında Azərbaycan jurnalistlərinin IX qurultayı keçiriləcək. Qurultayda ümumilikdə 225 nümayəndənin iştirakı təsdiqlənib.

hadiseler.info xəbər verir ki, bu barədə Mətbuat Şurası məlumat yayıb.

Bildirilib ki, Mətbuat Şurasına üzv təşkilatların təqdim etdikləri namizəd anketlərinə əsasən, Şuranın İdarə Heyətinin üzvlüyünə jurnalistlər və ictimaiyyət nümayəndələri arasından namizədlərin adları müəyyənləşib.

Jurnalist namizədlər arasında Hacıbəy Heydərli, Orxan Amaşov, Səadət Məmmədova, Nurşən Quliyev, Vüqar Rəhimzadə, Elşad Eyvazlı, Vəfa Həmzəyeva, Elmira Musazadə, Seyfəddin Hüseynli, Qalib İbrahimoğlu, Fərid Şahbazlı, Elçin Alıoğlu, Anar Tahirov, Hümbət Musayev, Aqil Camal, Ələsgər Süleymanov, Rey Kərimoğlu, Səbuhi Abbasov, Rafail Becanov, Əli Həziquliyev, Əli İbrahimov, Telman İsa, Əli Vəliyev, Famil İbrahimov, Mübariz Göyüşlü, Əfsələddin Ağalarov, Şakir Ağayev və Hafiz Heydərov yer alıb.

İctimaiyyət nümayəndələri üzrə namizədlər sırasına isə Vüqar Zifəroğlu, Müşfiq Ələsgərli, Əminə Yusifqızı, Bəhruz Məmmədzadə, Fərid Pərdəşünas, Könül Niftəliyeva, Ayaz Mirzəyev, Azər Həsrət, Yeganə Hacıyeva, Emil Həsənli, Nadir İsmayılov, Xanoğlan Əhmədov, Vüqar Oruc, Niyaməddin Orduxanlı, Rəhim Hüseynzadə, Zaur İbrahimli, Qafar Çaxmaqlı və Şəmsiyyə Kərimova daxil edilib.

Qeyd olunub ki, Mətbuat Şurasının İdarə Heyətinin hazırkı üzvlərindən Rəşad Məcid, Əflatun Amaşov, Qulu Məhərrəmli, Umud Rəhimoğlu, Aydın Quliyev, Rauf Arifoğlu, Elçin Mirzəbəyli, Vüsalə Mahirqızı, Aqil Ələsgər, Ceyhun Musaoğlu, Alqış Musayev, Akif Aşırlı və Yadigar Məmmədli adlarının bülletenə daxil edilməməsini xahiş ediblər.