Azərbaycan və Ermənistan bu barədəRAZILIQ ƏLDƏ ETDİ

Azərbaycan və Ermənistan dövlət sərhədinin delimitasiyası prosesinin şimaldan cənuba doğru aparılması istiqamətində qarşılıqlı anlaşma və razılıq əldə ediblər.

hadiseler.info xəbər verir ki, bu barədə Azərbaycanın xarici işlər naziri Ceyhun Bayramov jurnalistlərə açıqlamasında məlumat verib.

Nazirin sözlərinə görə, tərəflər işlərin daha çətin olan şimal sərhədindən – Azərbaycan, Ermənistan və Gürcüstan sərhədlərinin kəsişdiyi nöqtədən başlayaraq cənuba doğru irəliləməsi barədə razılaşıblar. C.Bayramov əlavə edib ki, Azərbaycan tərəfindən Delimitasiya üzrə Dövlət Komissiyasına Baş nazirin müavini Şahin Mustafayev rəhbərlik edir və komissiyanın tərkibi dəyişməz olaraq qalır. Komissiyaların fəaliyyətini tənzimləyən sənədlərin təsdiq olunduğunu bildirən nazir, yaşayış məntəqələri ilə bağlı daha spesifik detalların da işin gedişində müzakirə edilərək həll olunacağını vurğulayıb.