Azərbaycan ərazisində xüsusi karantin rejiminin müddəti 2027-ci ilə qədər UZADILDI

Azərbaycanda Koronavirus (COVID-19) infeksiyasının yayılmasının və onun törədə biləcəyi fəsadların qarşısının alınması məqsədilə xüsusi karantin rejiminin müddəti növbəti dəfə uzadılıb.

hadiseler.info xəbər verir ki, Baş nazir Əli Əsədovun imzaladığı müvafiq Qərara əsasən, ölkə ərazisində xüsusi karantin rejiminin müddəti 2027-ci il 2 yanvar saat 06:00-dək uzadılıb.

Qeyd edək ki, bundan əvvəlki qərarla xüsusi karantin rejiminin müddəti 1 oktyabr 2026-cı il tarixədək müəyyən edilmişdi.