Azərbaycana məğlubiyyətə görə istefa verdi

Litva milli komandasında növbəti baş məşqçi ayrılığı yaşanıb.

hadiseler.info xəbər verir ki, Litva yığmasının baş məşqçisi Edqaras Yankauskas vəzifəsindən istefa verib.

Buna səbəb onun rəhbərlik etdiyi komandanın UEFA Millətlər Liqası çərçivəsində Azərbaycan millisinə 0:1 hesabı ilə məğlub olması olub. Təcrübəli mütəxəssis Litva Futbol Federasiyasının rəhbərliyi ilə keçirilən görüşdən sonra postunu tərk etmək qərarına gəlib.

Qeyd edək ki, Edqaras Yankauskas 1 fevral 2023-cü ildən Litva milli komandasının baş məşqçisi vəzifəsini icra edirdi.