Naftalanda hoteldə əcnəbi vətəndaşın meyiti tapıldı

Naftalan şəhərində müalicə məqsədilə Azərbaycana gələn xarici ölkə vətəndaşının ölüm hadisəsi qeydə alınıb.

hadiseler.info xəbər verir ki, Özbəkistan vətəndaşı, 1957-ci il təvəllüdlü Cahangir Mahmudoviç Zufarof Naftalan şəhərində yerləşən “Garabagh Resort & SPA” hotelində qalıb və sanatoriyada müalicə alıb.

Məlumata görə, o, müalicə prosedurundan çıxaraq dincəlmək üçün hotel otağına qayıdıb. Bir müddətdən sonra onun otaqda meyiti aşkarlanıb.

Hadisə yerinə dərhal polis və prokurorluq əməkdaşları cəlb olunublar. Keçirilən baxış zamanı meyitin üzərində hər hansı zorakılıq əlaməti aşkar edilməyib. İlkin ehtimallara görə, Özbəkistan vətəndaşı ürək tutmasından dünyasını dəyişib.

Faktla bağlı araşdırmalar aparılır.