Azərbaycanda qızlar oxu savadlılığında oğlanları qabaqladı

Azərbaycanda PISA 2025 tədqiqatının nəticələrinə əsasən, cinslərarası ən böyük fərq oxu savadlılığı üzrə qızların xeyrinə qeydə alınıb.

hadiseler.info xəbər verir ki, bu barədə PISA 2025 – Şagird Qiymətləndirilməsi üzrə Beynəlxalq Proqramın nəticələrinin təqdimat mərasimində məlumat verilib.

Məlumata görə, ölkəmizdə qızların nəticələri təbiət elmləri və oxu savadlılığı üzrə oğlanlardan yüksək, riyazi savadlılıq üzrə isə demək olar ki, bərabər olub:

 Təbiət elmləri üzrə: Qızlar 416 bal, oğlanlar 402 bal toplayıb. 13.6 ballıq fərq qızların xeyrinə olduğu halda, İqtisadi Əməkdaşlıq və İnkişaf Təşkilatı (İƏİT) ölkələrində bu fərq oğlanların xeyrinə 1.2 bal təşkil edib.

 Oxu savadlılığı üzrə: Qızlar 392 bal, oğlanlar isə 356 bal toplayıb. Aradakı 36 ballıq fərq qızların xeyrinə qeydə alınıb. İƏİT ölkələrində də qızlar oğlanları 29.6 bal qabaqlayıb.

 Riyazi savadlılıq üzrə: Azərbaycanda qızlar 423 bal, oğlanlar 422 bal toplayıb və cinslərarası fərq cəmi 0.8 bal olub. İƏİT ölkələrində isə oğlanlar qızları 13.1 bal üstələyib.

Tədbirdə vurğulanıb ki, cinslərarası ən böyük fərq qızların xeyrinə oxu savadlılığında qeydə alınsa da, qızların göstəriciləri belə hələ ki baza səviyyəsindən aşağıdır. Bu da ölkədə oxu istiqamətinə xüsusi diqqətin artırılmasının vacibliyini göstərir.