Azərbaycanın ilk qadın snayperi vəfat edib

Birinci Qarabağ müharibəsinin iştirakçısı, Azərbaycanın ilk qadın snayperi Növrəstə Yusifova dünyasını dəyişib.

hadiseler.info xəbər verir ki, bu barədə məlumat sosial şəbəkələrdə yayılıb.

Döyüş yoldaşları və cəbhədə “Xalaqızı” ləqəbi ilə tanınan Növrəstə Yusifova əslən Xızı rayonundan olub.

O, Birinci Qarabağ müharibəsi başlayarkən könüllü olaraq cəbhəyə yollanıb. 1992–1994-cü illərdə Qarabağ torpaqlarının müdafiəsi uğrunda gedən döyüşlərdə fəal iştirak edən N.Yusifova ən gərgin əməliyyat zonalarında snayper kimi qəhrəmancasına xidmət göstərib.