Azərbaycanlı dənizçilərin olduğu gəmi Qara dənizdə batdı- İDDİA

Qara dənizdə Azərbaycan vətəndaşlarının da olduğu “Svetoslava” adlı quru yük gəmisinin batdığı iddia olunur.

hadiseler.info xəbər verir ki, bu barədə “Azərbaycan Dənizçilərinə Dəstək” İctimai Birliyi məlumat yayıb. “Cunda” şirkətinə məxsus, Palau bayrağı altında üzən gəmi Samsun limanından Moldovanın Curculesti limanına doğru hərəkət edərkən naməlum şəraitdə batıb.

Gəmidə 11-i Azərbaycan, 1-i Türkiyə və 1-i Rusiya vətəndaşı olmaqla ümumilikdə 13 nəfərlik heyət olub. Sahil təhlükəsizlik qüvvələrinin vaxtında müdaxiləsi sayəsində dənizçilərin hamısı xilas edilərək xəstəxanaya yerləşdirilib. Məlumata görə, xilas edilənlərin səhhəti qənaətbəxşdir.

Məsələ ilə bağlı aidiyyəti qurumlar tərəfindən araşdırma aparılır.