Qazaxda nömrəsiz VAZ ilə avtoxuliqanlıq edən sürücü həbs olundu – VİDEO

Qazax rayonunda yol hərəkəti qaydalarını kobud şəkildə pozaraq avtoxuliqanlıq edən sürücü tutulub.

hadiseler.info xəbər verir ki, Qazax Rayon Polis Şöbəsinin Dövlət Yol Polisi Bölməsinin əməkdaşları tərəfindən keçirilən tədbirlər nəticəsində gecə saatlarında VAZ markalı nəqliyyat vasitəsi ilə digər sürücülərə təhlükə yaradan Ə.Sadiqi saxlanılıb.

Araşdırma zamanı məlum olub ki, o, avtomobili sürücülük hüququ və etibarnamə olmadan, həmçinin dövlət qeydiyyat nişanını (nömrəni) çıxararaq idarə edib.

Sürücü barəsində toplanmış materiallar hüquqi qiymət verilməsi üçün məhkəməyə təqdim olunub. Məhkəmənin qərarı ilə Ə.Sadiqi inzibati qaydada həbs edilib.