Bərdədə “Chevrolet” beton maneəyə çırpıldı: Sərnişin yaralandı-FOTOLAR

Bərdə rayonunda yaralanma ilə nəticələnən yol-nəqliyyat hadisəsi baş verib.

hadiseler.info xəbər verir ki, qəza Hindarx-Borsunlu yolunun Soğanverdilər kəndi ərazisindən keçən hissəsində qeydə alınıb.

Ağcabədi rayon sakini Samir Hüseynov idarə etdiyi “Chevrolet” markalı minik avtomobili ilə hərəkətdə olarkən idarəetməni itirib və nəqliyyat vasitəsi yol kənarındakı beton maneəyə çırpılıb.

Qəza nəticəsində avtomobildə olan sərnişin, 1974-cü il təvəllüdlü Hüseyn Əhmədov müxtəlif dərəcəli xəsarətlər alıb. Yaralı dərhal Bərdə Diaqnostika Mərkəzinə çatdırılıb.

Faktla bağlı müvafiq qurumlar tərəfindən araşdırma aparılır.