Bakı aeroportunda qanunsuz tütün əməliyyatı: Saxlanılanlar var

Hava Nəqliyyatında Baş Gömrük İdarəsinin keçirdiyi kompleks əməliyyat və nəzarət tədbirləri nəticəsində gömrük qaydaları pozulmaqla ölkəyə gətirilən böyük miqdarda qəlyan tütünü aşkar edilib.

hadiseler.info xəbər verir ki, gömrük nəzarəti zamanı Bağdad-Bakı aviareysi ilə gələn sərnişinlərin Heydər Əliyev Beynəlxalq Aeroportunun ərazisindəki minik avtomobilinə müxtəlif bağlamalar qoyaraq ərazidən uzaqlaşdıqları müəyyən olunub.

Həmin nəqliyyat vasitəsinə keçirilən gömrük baxışı zamanı xarici ölkələrin hava limanlarında sərnişinlərə paylanaraq şəxsi istifadə adı altında ölkəyə gətirilən bağlamalardan Azərbaycan Respublikasına məxsus məcburi nişanlanması olmayan 866 qutu qəlyan tütünü aşkarlanaraq götürülüb.