“Bakı Metropoliteni” QSC sədrinə yeni müavin təyin olunub

“Bakı Metropoliteni” QSC İdarə Heyətinin sədri Vüsal Aslanova yeni müavin təyin edilib.

hadiseler.info xəbər verir ki, bununla bağlı Prezident İlham Əliyev Sərəncam imzalayıb.

Sərəncama əsasən, “Bakı Metropoliteni” QSC İdarə Heyəti sədrinin müavini vəzifəsinə Zaur Nağıyev gətirilib.

Zaur Nağıyev bu təyinata qədər “Azərbaycan Xəzər Dəniz Gəmiçiliyi” QSC-nin (ASCO) İdarə Heyəti sədrinin müavini vəzifəsində çalışıb.