Bakıda BMT-nin Dördüncü İqlim Həftəsi öz işinə başlayır

Sentyabrın 7-dən Bakıda Xarici İşlər Nazirliyinin (XİN) təşkilatçılığı ilə BMT-nin İqlim Dəyişmələri üzrə Çərçivə Konvensiyasının Dördüncü İqlim Həftəsi (CW4) start götürüb.  

hadiseler.info xəbər verir ki, sentyabrın 11-dək davam edəcək tədbirlə paralel olaraq Bakı İqlim Fəaliyyəti Həftəsi 2026 (BCAW 2026) da keçirilir.  

Tədbirlər iqlim qərarlarının praktiki icrası, beynəlxalq əməkdaşlıq və COP31 ərəfəsində iqlim fəaliyyətinin gücləndirilməsi mövzularına həsr olunub.  

Proqramın ilk günündə aşağıdakı beş panel sessiya və dəyirmi masa təşkil olunacaq:

1. “Bakıdan COP31-ə: Parçalanmış dünyada iqlim fəaliyyətinin sürətinin qorunması”

2. “İnnovasiya, rəqəmsal texnologiyalar və regional əməkdaşlıq vasitəsilə yaşıl enerji sənayesinin inkişaf etdirilməsi”

3. “Metan emissiyalarının azaldılmasının sürətləndirilməsi: aşkarlanmasından fəaliyyətə qədər”

4. “Karbon bazarları üzrə müzakirə: Karbon bazarları vasitəsilə iqlim maliyyələşməsinin imkanlarının açılması”

5. “Regional əlaqəlilik üçün sərhədlərarası bərpaolunan enerji sertifikatları”