Bakıda küçədə infarkt keçirən şəxsi belə xilas etdi

Bakının Xətai rayonunda vətəndaşın xilası ilə nəticələnən təqdirəşəyən hadisə baş verib.

hadiseler.info xəbər verir ki, hadisə Yusif Səfərov küçəsində yerləşən avtobus dayanacağında qeydə alınıb. Marşrut avtobusu gözləyən kişinin halı qəfil pisləşib və o, huşunu itirərək yerə yıxılıb.

Həmin vaxt təsadüfən ərazidən keçən həkim Nicat Cahangirli dərhal müdaxilə edərək vətəndaşa ilkin tibbi yardım göstərib və ürək masajı reallaşdırıb. Həkimin vaxtında və peşəkar müdaxiləsi sayəsində infarkt keçirən şəxsin həyatı xilas edilib. Sosial şəbəkələrdə yayılan həmin görüntülər böyük rəğbətlə qarşılanıb.