Bakıda yataqxanada kişi meyidi tapıldı

Bakının Pirallahı rayonunda ölüm hadisəsi qeydə alınıb.

hadiseler.info xəbər verir ki, hadisə Pirallahı rayonu, Səməd Vurğun küçəsində yerləşən SOCAR-ın “Azneft” Qazma İdarəsinin yataqxanasında baş verib.

Hacıqabul rayon sakini, 47 yaşlı Ramil Əliyevin meyiti qaldığı yataqxana otağında aşkarlanıb. Meyitə baxış zamanı üzərində hər hansı zorakılıq əlamətləri müəyyən edilməyib.

Faktla bağlı hüquq-mühafizə orqanları tərəfindən araşdırma aparılır.