Bakıya leysan yağacaq – Sabahın hava proqnozu AÇIQLANDI

Sabah Bakıda və Abşeron yarımadasında hava şəraitinin dəyişkən buludlu olacağı, bəzi yerlərdə fasilələrlə yağış yağacağı gözlənilir.

hadiseler.info xəbər verir ki, Milli Hidrometeorologiya Xidmətinin məlumatına əsasən, yarımadanın ayrı-ayrı yerlərində yağışın qısamüddətli leysan xarakterli olacağı və şimşək çaxacağı ehtimalı var. Mülayim şimal-şərq küləyi əsəcək.

Havanın temperaturu gecə 15-17° isti, gündüz 17-19° isti olacaq. Atmosfer təzyiqi 767 mm civə sütunu, nisbi rütubət isə 70-80% təşkil edəcək.

Azərbaycanın rayonlarında isə bəzi yerlərdə fasilələrlə yağış yağacağı, ayrı-ayrı yerlərdə yağıntıların leysan xarakterli intensiv olacağı, şimşək çaxacağı, dolu düşəcəyi, yüksək dağlıq ərazilərdə qar yağacağı ehtimal edilir. Şərq rayonlarında yağıntıların bir qədər güclənəcəyi, gecə və səhər bəzi yerlərdə duman olacağı gözlənilir. Mülayim şərq küləyi əsəcək.

Rayonlarda havanın temperaturu gecə 13-16° isti, gündüz 17-21° isti, dağlarda isə gecə 2-6° isti, gündüz 8-13° isti olacaq.