Ballıqaya qətliamından 34 il ötür

Erməni silahlı birləşmələri tərəfindən törədilən və tarixə qanlı faciə kimi düşən Ballıqaya qətliamından 34 il ötür.  

hadiseler.info “Bakıvaxtı.az”a istinadən xəbər verir ki, 1992-ci il avqustun 28-də səhər saat 05:00 radələrində Goranboy rayonunun Ballıqaya kəndində dinc azərbaycanlılara qarşı dəhşətli qətliam törədilib. Ermənistan ordusunun 10-12 nəfərdən ibarət diversiya dəstəsi əraziyə daxil olaraq burada çadırlarda məskunlaşan, əsasən Laçın rayonundan olan mülki şəxslərə hücum edib.  

Qətliam nəticəsində 24 azərbaycanlı mülki şəxs öldürülüb, 9 nəfər isə ağır yaralanıb. Həlak olanlar arasında 6 uşaq, 13 qadın və 6 yaşlı şəxs var. Qətlə yetirilənlərin ən kiçiyi 6 aylıq körpə, ən yaşlısı isə 93 yaşlı qadın olub. Faciə nəticəsində 3 azyaşlı uşaq hər iki valideynini itirib, bəzi meyitlərin isə yandırıldığı bildirilir.  

Ballıqaya qətliamı Birinci Qarabağ müharibəsi dövründə azərbaycanlı mülki əhaliyə qarşı törədilmiş ən ağır hərbi cinayətlərdən biri kimi tarixdə qalır.