Baş Dövlət Yol Polisi İdarəsindən xəbərdarlıq

Baş Dövlət Yol Polisi İdarəsi (BDYPİ) avqustun 31-də gözlənilən leysan yağışları və küləkli hava şəraiti ilə əlaqədar hərəkət iştirakçılarına xəbərdarlıq edib.

hadiseler.info xəbər verir ki, Milli Hidrometeorologiya Xidmətinin məlumatına əsasən, avqustun 31-də Bakıda, Abşeron yarımadasında və bölgələrdə yağışlı, leysan xarakterli, şimşəkli və dolulu hava şəraiti gözlənilir.

BDYPİ bildirib ki: “İntensiv yağıntılar zamanı görmə məsafəsinin azalması, yol örtüyünün sürüşkənləşməsi, ayrı-ayrı ərazilərdə su yığılması və nəqliyyat vasitəsinin idarəetmədən çıxması riskinin artması nəzərə alınmalıdır. Sürücülərə sürət həddini hava və yol şəraitinə uyğun seçmək, ara məsafəsini artırmaq, kəskin manevr və qəfil tormozlamadan çəkinmək tövsiyə olunur. Eyni zamanda, güclü küləyin hərəkətə əlavə çətinlik yarada biləcəyi nəzərə alınaraq, xüsusilə qoşqulu, tentli, uzunölçülü və iriqabaritli nəqliyyat vasitələrinin sürücüləri daha ehtiyatlı olmalı, daşınan yükün etibarlı bərkidilməsinə diqqət yetirməlidirlər. Piyadalardan isə leysan yağışları zamanı məhdud görünmə şəraitini nəzərə almaları, yolu yalnız müəyyən edilmiş yerlərdən və təhlükəsizliyə tam əmin olduqdan sonra keçmələri xahiş olunur”.

İdarə bütün hərəkət iştirakçılarını dəyişkən hava şəraitini düzgün qiymətləndirməyə və yollarda maksimum diqqətli olmağa çağırıb.