BDYPİ-dən elektroskuter istifadəçilərinə MÜRACİƏT – Video

Baş Dövlət Yol Polisi İdarəsi (BDYPİ) ölkə ərazisində elektroskuter istifadəçilərinə müraciət ünvanlayıb.

hadiseler.info xəbər verir ki, müraciətdə son dövrlər elektroskuterlərdən istifadə edən bəzi şəxslər tərəfindən yol hərəkəti qaydalarının pozulması hallarının müşahidə olunduğu bildirilib. Qeyd olunub ki, xüsusilə bir elektroskuterdə iki nəfərin hərəkət etməsi, svetoforun qadağanedici siqnalına məhəl qoyulmaması, qəfil və təhlükəli manevrlərin edilməsi, həmçinin piyadaların hərəkətinə maneə yaradılması ciddi narahatlıq doğurur.

Yol Polisi hərəkət zamanı yol nişanlarının və svetoforun tələblərinə qəti şəkildə əməl edilməli, sürət həddi aşılmamalı və piyadaların təhlükəsizliyinin mütləq nəzərə alınmalı olduğunu xatırladıb.

“Unutmayaq ki, yol mədəniyyəti yalnız qaydalara əməl etmək deyil, həm də digər hərəkət iştirakçılarının hüquqlarına hörmətlə yanaşmaqdır”, – deyə idarənin müraciətində vurğulanıb.