Biləsuvarda ağır yol qəzası: İki nəfər həlak oldu

Biləsuvar rayonunda iki nəfərin ölümü və üç nəfərin xəsarət alması ilə nəticələnən ağır yol-nəqliyyat hadisəsi baş verib.

hadiseler.info AZƏRTAC-a istinadən xəbər verir ki, hadisə Biləsuvar–Bəhrəmtəpə avtomobil yolunun Səmədabad kəndi ərazisindən keçən hissəsində qeydə alınıb.

Məlumata görə, 1986-cı il təvəllüdlü Tacəddin Yusifov idarə etdiyi “Toyota” markalı minik avtomobilinin sükan idarəetməsini itirib və nəticədə nəqliyyat vasitəsi yoldan çıxaraq aşıb.

Şiddətli qəza nəticəsində sürücü Tacəddin Yusifov və avtomobildə olan sərnişin — 1966-cı il təvəllüdlü Tovuz Axundova aldıqları xəsarətlərdən hadisə yerindəcə həyatlarını itiriblər.

Nəqliyyat vasitəsində olan daha 3 nəfər moves müxtəlif dərəcəli bədən xəsarətləri alaraq təcili tibbi yardım briqadasının köməyi ilə Biləsuvar Rayon Mərkəzi Xəstəxanasına hospitalizasiya olunub. Yaralılara zəruri tibbi yardım göstərilir.

Faktla bağlı hüquq-mühafizə organları tərəfindən geniş araşdırma aparılır.