BMU tələbəsindən Çində elmi uğur: Minillik freskaları süni intellektlə bərpa etdi

Bakı Mühəndislik Universitetinin (BMU) Pekin İnşaat və Memarlıq Universiteti ilə ikili diplom proqramının magistrantı Sənur Məmmədli Çində mühüm elmi nailiyyətə imza atıb.

hadiseler.info xəbər verir ki, gənc tədqiqatçı UNESCO-nun Ümumdünya İrs Siyahısına daxil olan Mogao və Yulin mağaralarındakı minillik divar rəsmlərini süni intellekt modelləri ilə bərpa edib. Ümumilikdə 30 tarixi mağarada incələmələr aparan magistrant Dunxuan Akademiyasının seminarlarında tanınmış alim və rəssamlarla müzakirələr keçirib.

Uğurlu tədqiqatına və sənət emalatxanalarındakı fəallığına görə BMU tədqiqatçısı Dunxuan Akademiyası tərəfindən xüsusi sertifikat və hədiyyələrlə təltif olunub.