Bu istiqamətlərdə əlavə qatar reysləri açılacaq

Zəfər Günü və Dövlət Bayrağı Günündə sərnişinlərin artan tələbatını tam ödəmək məqsədilə noyabrın 7, 8, 9 və 10 tarixlərində Bakı–Ağstafa–Bakı marşrutu üzrə əlavə qatar reysləri həyata keçiriləcək.

hadiseler.info xəbər verir ki, bu barədə “Azərbaycan Dəmir Yolları” QSC (ADY) məlumat yayıb.

Bildirilib ki, qeyd olunan bayram günlərində əlavə reyslərlə yanaşı, həmin istiqamətə Bakı–Qazax–Bakı marşrutu üzrə ənənəvi qrafiklə gündəlik səfərlər də təşkil olunmağa davam edəcək.