Bu ölkələr “Avroviziya”da iştirak edə bilməyəcək

“Avroviziya” beynəlxalq mahnı müsabiqəsinin təşkili və ev sahibliyi qaydalarında mühüm dəyişikliklər edilib.

hadiseler.info xəbər verir ki, Avropa Yayım İttifaqının (EBU) qəbul etdiyi yeni standartlara əsasən, hərbi münaqişə və ya müharibə şəraitində olan ölkələr qalib gəlsələr belə, yarışmaya ev sahibliyi etmək hüququndan məhrum olunacaqlar.

EBU-nun açıqlamasında bildirilir ki, qalib ölkənin ərazisində və ya ona yaxın coğrafiyada baş verən silahlı toqquşmalar, gərgin geosiyasi vəziyyət və digər neqativ amillər təhlükəsizliyə və sabitliyə risk yaradarsa, həmin dövlətin yayımçısı təşkilatçılıq hüququnu avtomatik itirəcək.

Belə fors-major hallarda EBU ev sahibliyi üçün başqa bir ölkəni təyin edəcək. Yeni ev sahibi olan dövlət müsabiqəni qalib ölkənin adından deyil, birbaşa öz adından reallaşdıracaq.

Xatırladaq ki, 2022-ci ildə “Avroviziya”nın qalibi Ukrayna olsa da, davam edən müharibə səbəbindən 2023-cü il müsabiqəsi Böyük Britaniyanın Liverpul şəhərində təşkil edilmişdi.