Bu yollarda hərəkət MƏHDUDLAŞDIRILIR

Bakının Binəqədi və Sabunçu rayonlarında yol-təmir işləri ilə əlaqədar nəqliyyatın hərəkətinə qismən məhdudiyyət tətbiq olunacaq.

hadiseler.info xəbər verir ki, bu barədə Azərbaycan Avtomobil Yolları Dövlət Agentliyi (AAYDA) məlumat yayıb.

Məlumata əsasən, təmir işlərinə oktyabrın 7-si saat 15:00-dan etibarən başlanılacaq. Məhdudiyyət aşağıdakı ünvanlarda tətbiq ediləcək:

 Binəqədi rayonu: Binəqədi qəsəbəsi, Cəfər Cabbarlı küçəsi;

 Sabunçu rayonu: Zabrat-Maştağa şossesinin Elşən Məhərrəmli küçəsi ilə kəsişməsindən Dövlət Gömrük Komitəsinin Akademiyasının qarşısına qədər olan hissəsi (hər iki istiqamət üzrə).

AAYDA təmir işləri ilə əlaqədar sürücülərdən əvvəlcədən alternativ yollardan istifadə etməyi və hərəkət zamanı diqqətli olmağı xahiş edir.