Ceyhun Bayramov Abbas Əraqçi ilə görüşüb

Azərbaycanın xarici işlər naziri Ceyhun Bayramov BMT Baş Assambleyasının 81-ci sessiyası çərçivəsində İranın xarici işlər naziri Seyid Abbas Əraqçi ilə görüşüb.

hadiseler.info xəbər verir ki, bu barədə Azərbaycan XİA “X” sosial şəbəkə hesabında məlumat yayıb.

Görüşdə ikitərəfli və çoxtərəfli gündəm, eləcə də regional proseslər diqqətlə nəzərdən keçirilib. Nazirlər davamlı yüksəksəviyyəli dialoqun, qarşılıqlı hörmət və mehriban qonşuluq münasibətlərinin vacibliyini xüsusi vurğulayıblar. Tərəflər Azərbaycan və İran prezidentlərinin 2026-cı ilin avqustunda Bişkekdə keçirilən görüşünü ikitərəfli əməkdaşlığın genişləndirilməsində mühüm addım kimi dəyərləndiriblər.  

Söhbət zamanı diplomatiya, sülh və sabitliyin təşviq edilməsinin əhəmiyyəti qeyd olunaraq, regional təhlükəsizlik məsələləri ətrafında fikir mübadiləsi aparılıb.