Dağlara qar yağıb, bəzi rayonlarda leysan olub — Faktiki hava şəraiti

Azərbaycanın əksər ərazilərində qeyri-sabit və yağıntılı hava şəraiti davam edir.

hadiseler.info xəbər verir ki, bu barədə Milli Hidrometeorologiya Xidməti məlumat yayıb.

Məlumata əsasən, yağıntılar ayrı-ayrı yerlərdə arabir leysan xarakterli, intensiv və güclü olub. Dağlıq ərazilərə — Qrız, Xınalıq, Şahdağ, Qusar və Şahbuz rayonunun yüksəkliklərinə isə qar yağıb. Qeydə alınan qar örtüyünün hündürlüyü Qrızda 10 sm, Xınalıqda 5 sm, Şahdağda 2 sm, Qusarda isə 1 sm təşkil edib.

Düşən yağıntının miqdarı Bakıda və Abşeron yarımadasında:

 Maştağa: 37 mm (aylıq normanın 93%-i)

 Binə: 21 mm (aylıq normanın 75%-i)

 Bakı: 16 mm (aylıq normanın 57%-i)

 Sumqayıt: 5 mm

Respublikanın rayonlarında ən çox yağıntı düşən ərazilər:

 Kişçay (Şəki): 55 mm (aylıq normanın 64%-i)

 Qəbələ: 51 mm (aylıq normanın 40%-i)

 Sarıbaş (Qax): 45 mm (aylıq normanın 36%-i)

 Oğuz: 45 mm (aylıq normanın 45%-i)

 Göyçay: 41 mm (aylıq normanın 76%-i)

 Astara: 30 mm

 Kürdəmir: 26 mm (aylıq normanın 56%-i)

 İsmayıllı: 24 mm (aylıq normanın 32%-i)

 Şamaxı: 23 mm (aylıq normanın 30%-i)

 Xızı: 22 mm (aylıq normanın 39%-i)

 Yardımlı: 20 mm

 Lənkəran: 18 mm

 Gədəbəy: 17 mm (aylıq normanın 30%-i)

 Qobustan: 17 mm (aylıq normanın 36%-i)

 Lerik, Xaltan, Sabirabad, Göygöl, Qusar: 15-16 mm

 Neftçala, Daşkəsən, Zərdab, Mingəçevir: 12-14 mm

 Naftalan, İmişli, Tərtər, Beyləqan: 10-11 mm

 Digər rayonlar: 1-9 mm