Dehlidə 5 mərtəbəli yataqxana binası uçdu: Ölənlər və dağıntılar altında qalanlar var – VİDEO

Hindistanın paytaxtı Yeni Dehlidə beşmərtəbəli yaşayış binasının (yataqxana) çökməsi nəticəsində azı 6 nəfər həlak olub.

hadiseler.info xəbər verir ki, BBC-nin yaydığı məlumata görə, xilasedicilər tərəfindən dağıntılar altından çıxarılan daha 6 nəfər xəstəxanaya yerləşdirilib, onların vəziyyətinin stabil olduğu bildirilir.

Dehlinin baş naziri Rekha Gupta hadisəyə binanın zirzəmisində aparılan təmir işləri və suyun yığılmasının səbəb olduğunu açıqlayıb. Qeyd olunub ki, qəzanın baş verdiyi ilk saatlarda dağıntılar altında 50-yə qədər tələbənin qaldığı ehtimal edilirdi. Hazırda ərazidə axtarış-xilasetmə əməliyyatları davam etdirilir və dağıntıların təxminən 80 faizi təmizlənib.

Faktla bağlı polis tərəfindən binanın sahibi barəsində cinayət işi açılıb, onun tapılması istiqamətində axtarışlar aparılır.