DOST Agentliyinin illik mənfəətində 40 faizlik geriləmə qeydə alınıb

Əmək və Əhalinin Sosial Müdafiəsi Nazirliyinin Dayanıqlı və Operativ Sosial Təminat (DOST) Agentliyi 2025-ci il üzrə maliyyə göstəricilərini açıqlayıb. Hadisələr.info bildirir ki, Agentlik ötən ili 21 min manat mənfəətlə yekunlaşdırıb ki, bu da 2024-cü illə müqayisədə 40 % azdır.

Maliyyə hesabatına əsasən, ötən il DOST Agentliyinin hökumətdən aldığı subsidiyalar 12,1 % azalaraq 273,77 milyon manat təşkil edib. Həmçinin qurumun heyətlə bağlı xərcləri 13,4 % azalaraq 252,322 milyon manat, digər əməliyyat xərcləri isə 13,9 % geriləyərək 5,178 milyon manat olub.

Çünki hesabat dövründə bəzi xərc maddələrində artım müşahid olunub. Belə ki, amortizasiya xərcləri 61,2 % artaraq 3,737 milyon manat, maliyyə xərcləri 24 % artaraq 709 min manat, köhnəlmə xərcləri isə 8,3 % çoxalaraq 8,065 milyon manat təşkil edib.

Aktivlər və öhdəliklərin dinamikası

Maliyyə göstəricilərindəki dəyişikliklərə baxmayaraq, Agentliyin ümumi aktivlərində artım qeydə alınıb. Bu il yanvarın 1-nə olan məlumata görə, DOST Agentliyinin aktivləri illik müqayisədə 20 % çoxalaraq 165,039 milyon manata çatıb.

Lakin eyni zamanda qurumun öhdəlikləri də 21,6 % artaraq 154,879 milyon manat təşkil edib. Balans kapitalı isə 0,2 % çoxalaraq 10,160 milyon manata yüksəlib. Qeyd edək ki, 2018-ci ildə fərmanı verilən agentliyin nizamnamə kapitalı 10 milyon manatdır.