Əraqçi Uitkoffla görüş qərarını özbaşına verib

İranın xarici işlər naziri Abbas Əraqçinin ABŞ Prezidenti Donald Trampın xüsusi nümayəndəsi Stiven Uitkoffla görüşmək qərarı ölkədə narazılıq və qalmaqalla qarşılanıb.

hadiseler.info xəbər verir ki, İranın “Tasnim” xəbər agentliyinin yaydığı məlumata görə, Əraqçi bu qərarı aidiyyəti dövlət qurumları, o cümlədən Ali Milli Təhlükəsizlik Şurası ilə razılaşdırmadan, özbaşına qəbul edib.

Agentlik xarici işlər nazirinin bu addımının İranın milli maraqlarına zidd olduğunu vurğulayıb. Qeyd olunub ki, Abbas Əraqçi verdiyi bu özfəaliyyət qərarına görə aidiyyəti dövlət strukturlaşmalarına və İran xalqına rəsmi şəkildə cavab verməlidir.