Ərdoğan Qətər Əmiri ilə Nyu-Yorkda görüşüb

Türkiyə Prezidenti Rəcəb Tayyib Ərdoğan BMT Baş Assambleyasının 81-ci sessiyası çərçivəsində Nyu-Yorkda Qətər Əmiri Şeyx Təmim bin Həməd Al Tani ilə görüşüb.

hadiseler.info xəbər verir ki, Türkiyə Prezident Administrasiyasının Kommunikasiya İdarəsinin məlumatına əsasən, görüşdə ikitərəfli strateji münasibətlər, regional təhlükəsizlik və qlobal məsələlər müzakirə edilib.

Ərdoğan investisiya, ticarət, enerji və müdafiə sənayesi sahələrində əməkdaşlığın daha da dərinləşdiriləcəyini diqqətə çatdırıb. Regionda enerji təchizatına mənfi təsir edən proseslərə toxunan Türkiyə lideri enerji və nəqliyyat dəhlizləri üzrə birgə addımların vacibliyini vurğulayıb.

Prezident Ərdoğan, həmçinin İsrailin Qəzzada sülhdən imtina etdiyini bildirərək, regional hərbi gərginliyin qarşısını almaq üçün beynəlxalq ictimaiyyəti Tel-Əvivə təzyiqləri artırmağa çağırıb.