Ermənistanın 5 illik proqramı: Azərbaycanla sülh, Türkiyə ilə sərhədlər

Ermənistan hökuməti 2026-2031-ci illəri əhatə edən yeni fəaliyyət proqramını təqdim edib.

hadiseler.info xəbər verir ki, Baş nazir Nikol Paşinyanın təqdim etdiyi sənəddə Azərbaycanla sülh müqaviləsinin imzalanması və sərhədlərin delimitasiyası əsas prioritet kimi göstərilib. Eyni zamanda Türkiyə ilə diplomatik əlaqələrin qurulması, “Markara” da daxil olmaqla iki keçid məntəqəsinin açılması və enerji infrastrukturunun bərpası nəzərdə tutulur.

Proqramda İran, Gürcüstan, Aİ, ABŞ və Fransa ilə strateji tərəfdaşlığın dərinləşdirilməsi, Rusiya ilə isə yeni regional reallıqlar fonunda qarşılıqlı faydalı əməkdaşlığın yenidən qurulması hədəflənir. Sənəd təsdiq üçün parlamentə təqdim olunacaq.