Ermənistan parlamentinin iclasında deputat tribunadan uzaqlaşdırıldı – Video

Ermənistan Milli Assambleyasının bugünkü iclası gərginliklə və təhlükəsizlik xidməti əməkdaşlarının zalına çağırılması ilə başlayıb.

hadiseler.info Ermənistan mətbuatına istinadən xəbər verir ki, insident müxalif “Güclü Ermənistan” blokunun deputatı Edqar Kazaryan çıxış edərkən baş verib. Kazaryan çıxışı zamanı parlamentin spikeri Ruben Rubinyanı kəskin tənqid edib.

Spiker Ruben Rubinyan müxalif deputatdan bir neçə dəfə cari gündəliklə bağlı danışmağı tələb etsə də, Kazaryan buna məhəl qoymayıb. Nəticədə spiker deputatın mikrofonunun söndürülməsini tələb edib, bir qədər sonra isə o, təhlükəsizlik xidməti əməkdaşlarının müşayiəti ilə tribunadan uzaqlaşdırılıb.