Filippində yanan gəmidə insan qalıqları aşkarlandı

Filippinin Palavan əyaləti sahillərində yanan “MV June Aster” sərnişin bərəsində yanğın söndürüldükdən sonra insan qalıqları tapılıb.

hadiseler.info xəbər verir ki, bu barədə Filippin Sahil Mühafizəsinin rəsmi təmsilçisi Noemi Kayabyab brifinq zamanı bəyan edib.

Yanğının tam söndürülməsindən sonra xilasedici qrupun gəminin ekonom-klas hissəsində keçirdiyi təhlükəsizlik yoxlaması zamanı yanmış insan qalıqları aşkar edilib. Noemi Kayabyab faciə qurbanlarının ailələrinə başsağlığı verərək, həlak olanların qalıqlarının çıxarılması və kimliklərinin müəyyənləşdirilməsi istiqamətində Sahil Mühafizəsi və polis tərəfindən zəruri tədbirlərin görüldüyünü bildirib.

Xatırladaq ki, sentyabrın 9-da baş verən yanğın nəticəsində 5 nəfər həyatını itirib, 43 sərnişin xilas edilib, 84 nəfər isə hələ də itkin düşmüş hesab olunur.