Füzulidə idarəetmədən çıxan avtomobil ağaca çırpıldı: 3 yaralı

Füzuli rayonu ərazisində yaralanmalarla nəticələnən yol-nəqliyyat hadisəsi qeydə alınıb.  

Hadisələr.info Qafqazinfo-ya istinadən xəbər verir ki, “Hyundai” markalı minik avtomobili hərəkətdə olarkən sürücünün idarəetməni itirməsi səbəbindən yoldan çıxaraq kənardakı şam ağacına çırpılıb.

Şiddətli zərbə nəticəsində avtomobilin sürücüsü və salonda olan 2 sərnişin müxtəlif dərəcəli bədən xəsarətləri alıblar. Hadisə yerinə dərhal təcili tibbi yardım briqadası çağırılıb və yaralılar təxirəsalınmaz tibbi yardım göstərilməsi üçün xəstəxanaya çatdırılıblar.

Faktla bağlı hüquq-mühafizə orqanları tərəfindən araşdırma aparılır.