Füzuliyə köçən 1000-dən çox sakin işlə təmin olundu

Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyi Füzuli şəhərinə köçürülmüş sakinlərin məşğulluğunun təmin edilməsi istiqamətində aktiv tədbirləri davam etdirir.

hadiseler.info AZƏRTAC-a istinadən xəbər verir ki, Böyük Qayıdış proqramı çərçivəsində doğma yurduna qayıdan sakinlərdən artıq 1100-dən çox şəxs məşğulluq tədbirlərinə cəlb olunub.

Məlumata əsasən, həmin şəxslərdən 1030-dan çoxunun rayon ərazisində məşğulluğu təmin edilib:

 Özünüməşğulluq: Köçürülmüş sakinlərdən 60 nəfər üçün özünüməşğulluq proqramı çərçivəsində kiçik təsərrüfatlar yaradılıb.

 Peşə hazırlığı: 70 nəfər əmək bazarının tələblərinə uyğun peşələr üzrə hazırlıq kurslarına cəlb olunub.

Hazırda daha bir qrup sakinin məşğulluq imkanları qiymətləndirilir və onların uyğun proqramlara yönəldilməsi istiqamətində dəstək tədbirləri aparılır.