Goranboyda baş vermiş hadisə ilə bağlı operativ iclas keçirilib- FOTO

Goranboy rayonunun Nizami kəndi ərazisində baş vermiş hadisə ilə əlaqədar Goranboy Rayon İcra Hakimiyyəti başçısı yanında Fövqəladə Hallar Komissiyasının operativ iclası keçirilib.

hadiseler.info xəbər verir ki, iclasda əhalinin təhlükəsizliyinin təmin edilməsi, sakinlərin yaşayış ünvanlarına təhlükəsiz şəkildə qaytarılması və aidiyyəti dövlət qurumlarının fəaliyyətinin əlaqələndirilməsi geniş müzakirə olunub.

Müzakirələr zamanı vurğulanıb ki, hadisə baş verən andan etibarən bütün aidiyyəti dövlət qurumları operativ şəkildə əraziyə cəlb olunub, vəziyyət tam nəzarətə götürülüb. Məsələ ilə bağlı Azərbaycan Respublikası Prezidentinin Administrasiyası, Baş Nazir və Fövqəladə Hallar Nazirliyinə mütəmadi məlumat verilib.  

Risklərin tam qiymətləndirilməsindən və FHN-in müvafiq rəyindən sonra sakinlərin saat 18:30-dan etibarən yaşayış ünvanlarına mərhələli şəkildə qayıtmaları təmin edilib. Baş vermiş hadisə nəticəsində insan tələfatı və xəsarət alan olmayıb.