Goranboyda sursat anbarında partlayış olub-VİDEO

Goranboy rayonunda yerləşən sursat anbarında yanğınla müşayiət olunan partlayış baş verib.

hadiseler.info xəbər verir ki, hadisə Nizami kəndi yaxınlığında qeydə alınıb. Fövqəladə Hallar Nazirliyi, Müdafiə Nazirliyi və Daxili İşlər Nazirliyinin yaydığı birgə məlumata görə, aidiyyəti qurumların operativ və təxirəsalınmaz tədbirləri nəticəsində vəziyyət qısa müddətdə nəzarət altına alınıb.

Təhlükəsizlik qaydalarına uyğun olaraq ətraf ərazidə yaşayan sakinlər dərhal təxliyə olunublar. Xoşbəxtlikdən, hadisə nəticəsində xəsarət alan olmayıb. Hazırda alovun söndürülməsi və yanğının tamamilə ləğv olunması istiqamətində işlər davam etdirilir.