Göygöldə kişi arvadını öldürdü

Göygöl rayonunda ölümə səbəb olan ağır cinayət hadisəsi qeydə alınıb.  

hadiseler.info xəbər verir ki, hadisə rayonun Üçtəpə kəndi ərazisində baş verib.  

Kənd sakini olan orta yaşlı kişi aralarında yaranmış münaqişə zamanı həyat yoldaşına küt alətlə ağır zərbələr endirib. Qadın aldığı xəsarətlərdən hadisə yerindəcə dünyasını dəyişib.  

Məlumat daxil olduqdan sonra əraziyə dərhal polis və prokurorluq əməkdaşları cəlb olunub.  

Faktla bağlı aidiyyəti qurumlar tərəfindən araşdırma aparılır.