Gürcüstanın sabiq müdafiə naziri dövlətə xəyanətdə ittiham olunur

Gürcüstanın keçmiş müdafiə naziri, müxalif “Vahid Milli Hərəkat” partiyasının liderlərindən biri Giorgi Baramidze barəsində həbs qətimkan tədbiri seçilib.

hadiseler.info xəbər verir ki, Tbilisi Şəhər Məhkəməsində keçirilən prosesdə hakimi Eka Barbakadze prokurorluğun vəsatətini təmin edərək Baramidze barəsində həbs qərarı çıxarıb.

Məlumat üçün bildirək ki, keçmiş nazir sentyabrın 11-də öz evində saxlanılıb. Gürcüstan Baş Prokurorluğu tərəfindən ona qarşı Cinayət Məcəlləsinin dövlətə xəyanət və sabotajla bağlı müvafiq maddələri üzrə rəsmi ittiham irəli sürülüb.

Faktla bağlı hüquq-mühafizə orqanları tərəfindən istintaq tədbirləri davam etdirilir.