Gəncədə fərdi yaşayış evində yanğın baş verib.

Hadisə şəhərin Cavad Xan küçəsində qeydə alınıb. Məlumata görə, həmin ərazidə yerləşən və bir-birinə bitişik olan fərdi evlərdən birində qəfil alovlanma olub.

Hadisə yerinə dərhal Fövqəladə Hallar Nazirliyinin Dövlət Yanğından Mühafizə Hissəsinin 2 yanğınsöndürən avtomobili və 15-ə yaxın canlı qüvvəsi cəlb olunub. Yanğınsöndürənlərin operativ müdaxiləsi sayəsində alov tam söndürülüb və yanğının qonşu tikililərə keçməsinin qarşısı alınıb.