Hacıqabulda avtoxuliqanlıq edən şəxs tutuldu — Məhkəmə qərarı-VİDEO

Hacıqabulda gecə şousu məhkəmədə bitdi: Avtoxuliqan həbs edildi

Hacıqabul rayonunda yol hərəkəti qaydalarını kobud şəkildə pozaraq avtoxuliqanlıq edən sürücü məsuliyyətə cəlb olunub.

hadiseler.info xəbər verir ki, Hacıqabul RPŞ-nin Dövlət Yol Polisi Bölməsinin keçirdiyi tədbirlərlə gecə saatlarında “VAZ” markalı avtomobili ilə digər hərəkət iştirakçılarına təhlükə yaradan N.Əhmədzadə saxlanılıb.

Sürücü barəsində toplanmış materiallar məhkəməyə təqdim olunub. Məhkəmənin qərarı ilə N.Əhmədzadənin sürücülük hüququ 1 il müddətinə məhdudlaşdırılıb və o, 15 sutka inzibati qaydada həbs edilib.