Hava şəraiti kəskin dəyişəcək, temperatur enəcək

Milli Hidrometeorologiya Xidməti ölkə ərazisində gözlənilən əlverişsiz hava şəraiti ilə bağlı xəbərdarlıq yayıb.

hadiseler.info xəbər verir ki, avqustun 26-dan 29-dək Azərbaycanın bəzi dağlıq və dağətəyi rayonlarında fasilələrlə yağış yağacağı gözlənilir. Yağıntıların ayrı-ayrı yerlərdə qısamüddətli leysan xarakterli olacağı, şimşək çaxacağı və dolu düşəcəyi ehtimal edilir.

Hava şəraiti ilə əlaqədar çaylarda sululuğun artacağı, bəzi dağ çaylarından qısamüddətli sel keçəcəyi istisna olunmur. Həmçinin, ölkə ərazisində havanın temperaturunun ötən günlərlə müqayisədə tədricən 4–8 dərəcə enəcəyi gözlənilir.