Hikmət Hacıyev Türkiyə Prezident Administrasiyasının nümayəndə heyəti ilə görüşüb  

Azərbaycan Respublikası Prezidentinin köməkçisi – Prezident Administrasiyasının Xarici siyasət məsələləri şöbəsinin müdiri Hikmət Hacıyev Azərbaycana səfərdə olan Türkiyə Prezident Administrasiyasının Kommunikasiyalar İdarəsinin nümayəndə heyətini qəbul edib.

hadiseler.info xəbər verir ki, görüşdə iki qardaş ölkə arasında strateji müttəfiqlik çərçivəsində media, kommunikasiya və ictimai diplomatiya sahələrində əməkdaşlıq məsələləri müzakirə olunub. Türkiyənin Azərbaycandakı səfiri Birol Akgünün də iştirak etdiyi görüşdə dəyişən qlobal media mühiti, dezinformasiya ilə mübarizə və Cənubi Qafqazda davamlı sülhün təmin olunmasında strateji kommunikasiyanın rolu vurğulanıb. Münasibətlərin “İki dövlət, bir millət” şüarı və Şuşa Bəyannaməsi ruhuna uyğun inkişaf etdirilməsinin vacibliyi qeyd olunub. Eyni zamanda, Türkiyə Prezident Administrasiyasının Kommunikasiyalar İdarəsinin rəhbəri Burhanettin Duranın Hikmət Hacıyevi Türkiyəyə dəvəti diqqətə çatdırılıb.